惡搞無極限！新任美國總統魅力四射MV，你愛上Trump Trump未？

美國總統大選早幾日就塵埃落定，特朗普將會成為未來四年嘅新任美國總統已係不爭事實，當然通地眼鏡碎（PS: 想講講，我哋除咗隱形眼鏡外，其實都有眼鏡配㗎！）。勿論結果如何，未來美國都將會展開新一頁喇。當然我哋今次唔係，亦唔會講政治，我哋只會講娛樂性豐富嘅話題，正如我以下介紹嘅呢一個關於特朗普Trump Trump嘅MV。

呢一個非常之惡搞嘅MV係來自日本嘅音樂兼藝術家Mike Diva所製作，其實早在數個月前已經在Mike嘅Youtube頻道上發佈。想講少少關於Mike Diva，其實佢嘅頻道內都有不同類型嘅短片及MV發佈，風格上都十分風趣怪誕，但亦十分富收看性，正如今次呢一個以特朗普為主題嘅MV；首先這首主題曲Our Glorious Leader就正正是Mike一手包辦，既然意思為我們的光榮領袖，畫面主題用上話題性嘅Trump Trump可以話係極之貼題啦；內容講女主角極之嚮往及迷戀Trump Trump，從而幻想出兩口由Trump Trump所領導的世界，講得出幻想，當然極盡天馬行空，而且極度有趣。