唱K小喇咪 JOEY潮撐！
相信大家同小編一樣，身邊都有唔少好鍾意唱卡啦OK的朋友，每次去到K房都做「咪霸」！不過唔係成日都可以約到一班朋友唱K，又唔想一個人去咁毒，依家有救星出現啦，講緊的是近日淘寶熱賣的「K歌神器」！呢枝神器看似電筒，但只要配合手機唱K軟件，就隨時隨地都可以開一場屬於自己的演唱會！就連天后容祖兒(Joey)都忍唔住唱埋一份！
Joey就在FB上載短片，見到佢抱住狗仔、仲有拎住K歌神器唱〈新貴〉唱到如癡如醉，音質仲相當唔錯！(當然好大因素係Joey唱得好聽) 真係幾好玩喎！
一段片都未夠，之後Joey轉一轉畫面顏色又再唱過，睇佢幾陶醉！呢板神器將咪高風及喇叭合而為一，只要配合手機唱K軟件，你想幾時唱就幾時唱！
剛剛Joey又再上載新片，原來佢塞緊車悶悶哋，於是又拎枝神器出來唱！而今次係唱〈心甘命抵〉！
唔少網友見Joey唱得咁過癮，都急不及待想買番枝！其實只要上淘寶就買到，價錢唔算貴，仲有三種顏色任君選擇！鍾意唱歌的朋友有福了！