可以講，今次A Bathing Ape x Street Fighter絕對係一個男士們「夢之crossover」！
為慶祝街頭霸王Street Fighter（男士們簡稱為「街霸」）二十五周年，A Bathing Ape宣佈推出一系列限量Tee，今次crossover可謂誠意十足；將街霸中各大受歡迎人物如Ryu、Ken、 Chun Li、Blanka、E Honda…….等等角色都以招牌Bathing Ape style化，形象上非常得意，而且亦不失角色帶來的氣勢，著上身都唔會覺得細路仔，啱晒一眾多年捧場嘅七八九十後fans全面通殺！著上身，真係令人懷念番當年仲會經常流連機舖打機嘅情景同回憶。單單呢份集體回憶加乘下，呢次聯乘又點會唔受注目先？
唔鍾意咁卡通化，想忠於原著感受街霸真正氣勢？OK，呢件真實版RYU嘅TEE一定滿足到你！整個graphic只用黑白tone再加上鮮紅色做襯托，真係型到爆，黑白兩色都各具味道。睇嚟又要破財喇。
系列於 9 月 17 日全面登錄線上商店和指定店鋪，誠意推介。