在下西門吹水，上不通天文，下不懂地理，塵世間一件迷途小羔羊，喜歡閒時與友人品酒吹水，凡事略懂略懂。
自我營銷學與賭博8串1的關係:
西係一名賭仔，略懂各種賭錢方式，馬會常客(暫時紅咭會員)，喜歡以小博大。賭仔都有好多不同的類型，有直覺型，有數據型，有技術型，有投資型、、、但喜歡賭博既朋友都有一種共同心理，都係相信唔賭唔知運氣好，運氣既野話嚟就嚟。時代進步及面書既興起令到資訊交流更加容易，從而洐生出一D新既賭界名堂，「大賭變李+x」，貼屎神，KC大戶等等。當中當然有好多唔同既口號，但都離唔開炫富同戶口紀錄，助你五百上百萬，對於一般人嚟講睇到真係非常吸引。睇相睇片見到戶口結餘有幾千萬同兩條中8串1既紀錄，買3萬中左2百幾萬，先不談論真假，我地先計算一下中一條8串1究竟機會率有幾多，為簡單計算，假設賽果出現的均等，大致上機會率為0.077%，而賠率為大約為100倍，數字上嚟講其實係唔抵的，但當然當中去除左好多數據同其他因素。重點係好多人都有參加計劃(包括本人)，西十分欣賞佢地，佢地係一個十分成功的例子，西所q指係佢地成功的自我營銷手法，可以利用心理令到咁多人去相信一個陌生人，仲要俾咁多錢過佢。其實人生本來就係一門自我營銷的競賽，無論你係做咩都好，都係向自己以外既人推銷自己，希望令到其他人相信你，就算簡單如交朋友亦都你自我營銷的一種。希望各位朋友都可以學會欣賞他人優點並從中有所得著。
西門吹水
